حـــكــايــة حــــــــــبى انـــــــــا

حكاية حبى انا مش زى اى حكاية
انا كنت عايش فى هنا راضى وعايش
بتعدى سنين ويمر العمر وعايش راضى وخالى البال
صبرت كتير ؟ مش هاقدر اقول
لكن بعد ما شوفته بقيت مشغول
بافكر فيه وباسرح فيه وتاهت فيه كل العقول
جماله حكايه ازاى اقول عليه اوصف ايه بس ولا ايه
دا كأنه ملاك او قمر عايش على هيئة بشر
قلبى من قبل مايشوفة نبض بحروف اسمه
قاللى دور عليه وحاول توصله
اوصله ازاى واروحله فين وياترا مين يدلنى عليه
سألت الناس ودورت عليه
وفجأأأة
طلع القمر من النيل
بصيت عليه وسرحت فيه وماعرفتش انادى عليه
عدت ايام ومرت سنين
ونتقابل ونحكى ونقول فى كلام فاضى مش معقول
ولما اجى اقوله انه هو حياتى كله
اتلخبط وما اعرفش اقوله
اعاتب فى نفسى واقول انا ليه ما باعرفش اقول
يمكن من نظرات عنيه اللى مليانه حزن ليه
دا الفرح اتخلق ليه والحزن بعيد عليه
وانا باحاول بكل ما فيا اثبت خطاه ليا
دا حياتى وكل ما ليا ولو بعد .... اموت انا ليه؟
هاعيش من غير حياتى ازاى
دى روحى بتروح وراه وتخبط على باب هواه
وتقوله انا رايداه اتفضل ولا مش عايزاه
اه يا قلبى تاعبنى معاك
عذبتنى وشغلتنى وسهرتنى الليل فى هواك
مانا كنت عايش متهنى باقابل وباعرف ناس
لحد ما طلعتلى من الميه احلى واجمل الناس
طلعتلى الجنيه خطفتلى قلبى وعنيا
خطفتنى بكل ما فيا سابتنى فى بحور لياليا
تايه فى بحور الغرام وقلبى متعلق شراع
جامد ويصد الرياح ويبعد اى جراح
هايتى حكاية حبى انا
حكايتى مع الايام
الايام القاسية اللى مليانه عذاب
الايام الظالمة بتجرح من غير حساب
اصل جرحى سببه الايام
ايام عمية مش حاسه بيا
ايام ملكتنى وحبستنى وغرقتنى فى بحر ملوش امان