لكل بنت واخده فى نفسها ادخلي وانتى تعرفي بقي

السلام عليكم ورحمة الله وبركاته

عند البنات كل ما تسأل واحده يا حلوه متجوزتيش ليه وليه ما وافقتيش على

العريس اللى اتقدملك . تقولك ما ارتحتش اصل مش عارفه حاسه انه معقد ومش عقليته

متفتحه وعادات وتقاليد قديمه ومش gan (وهى اساسا مش فاهمه يعنى ايه جان)

وتقولك اصل الشباب كله بقى تافه ومبقاش فى رجاله !!!!!!!

وسعوا شويه كده عزيزاتى الانسات مصر مليانه رجاله وبعون الله فيها اللى ..!...!...! ( ولا بلاش)

عموما البنت اللى بتتنطط ولها طلبات ومواصفات خاصه فى الرجل احب اسألها :

بتعرفى تطبخى يا حلوه ؟..

اعتقد ان معظم الشباب المتجوز حديثآ بيعانى من المشكله دى لان الست هانم

ملهاش علاقه بالمطبخ لانها كانت مشغوله فى السنين اللى فاتت من عمرها

بال make up والمرايه وسماع تامر حسني(قوللى بحبك بصوت عالى) لتكون النتيجه بعد

الجواز وفور دخولها المطبخ

رز شايط .. ومكرونه محروقه .. وفرخه مغسوله بالرابسو(او اسمنت ابيض)

ياريت المسأله تنتهى عن كده .. لأ .. دا فيه غرامات ماديه مش بس الخساير اللى حصلت

فى المطبخ لكن كمان فلوس اكل التيك اواى (الديليفرى) والميزانيه تضرب

يعنى اتجوزتك يا حبيبى عشان تعينى لقيتك خربت بيتى , واوعوا ان الضعف العام

اللى بيعانى منه الطفل المصرى بسبب الفقر بس , صدقونى السبب الرئيسى

ان الامهات الشابات مبيعرفوش يعملوا اكل عدل لا للراجل ولا للبيبى

طيب ..

تعرفى يا حلوه تعملى ميزانيه ؟

الحق يقال ان معظم بنات اليومين دول شطار فى عمل ميزانيه لل make up

وسى ديهات عمرو دياب واليسا وتامر حسنى والبرفانات وممكن تكون رومانسيه قوى

فتربيلها فى البيت قطه .. والقطه عايزه اكل او سلحفاه والسلحفاه سخنت عايزه دكتور

وتلاقيها مهتمه بالورد .. يعنى يعيش الورد والسلحفاه والقطه ويموت الراجل من الجوع

وياسلام تبقى راجع من الشغل طلعان عينك وتلاقى المدام تقولك مش هنخرج مش هتفسحنى

فى حفله مش عارف لعمرو دياب ولا فيلم لتامر لغايه متخرب بيتك وتلعن الجواز وهى ولا هنا

انشالله تولع بجاز .

نكمل......

بعد شويه من الجواز السعيد !!!!(اقصد مصلحة الاصلاح والتهذيب) تطلعلك بقى

" انت مش مهتم بيا " شعار خراب البيت على ايد الاموره الشابه يبدأ من هنا

وعلى شاكلته " انت ما بتحبنيش زى الاول " ..

ومن هذه الجمل الشاب المسكين يحاول ان يثبت للهانم انه مهتم بيها وانه بيحبها (يوقع فى المحظور)

سينما يالا .. مصيف يادوب نلحق .. الشهر اللى جاى يومين فى شرم وبسبب الاثبات ده

غالبآ ما بيتفصل من شغله المسكين .. ولو ما حاولش يرضى الحلوه تلاقيها رافعه عليه

قضية خلع , الله يرحمك ياست امينه يا اميره يابنت الامرا ويرحم ايامك اللى كنتى بترضى

فيها بأى حاجه وعمرك ما قولتى مش مهتم بيا .

ثم فين البنت النهارده اللى تقدر تستحمل ظروف الشاب ؟.. وتقدر تحافظ على اسرار

الراجل من غير ماتنشرها ويلاقيها تانى يوم عند صاحبتها مديحه وانتيمتها رشا وزميلتها نهله

ثم ايه حكاية " استكلالى ومشاعرى .. واحساسى .. وشخصيتى " , شخصيه ايه يا ام شخصيه

فين ايام امهاتنا وجداتنا اللى كانت الواحده منهم ستر وغطا على راجلها ..(امرك يا سى السيد)

تعرف تحافظ على بيتها وتربى ولادها .. وتخفف على جوزها مشاكل شغله وتوفر له

الراحه والهدوء وتستناه بالميه السخنه والملح ... انا مش مبالغ ومش طماع

مش عايزين ميه سخنه بس عايزين زوجه عدله , مش عايزين" سى السيد" بس عايزين عقل

بذمتكم .. الشاب مننا يتجوز مين ؟.. ويروح ليه لواحده تحرق دمه .. شبكه وشقه وعربيه عالزيرو

ولازم تكون يا مرسيدس يا بى ام دبليو(يعنى لو قديمه شهر شويه وهيونداى تبقى كوخه)

و الشقه فى مصر الجديده وممكن تيجى على نفسها وتقبلها فى المهندسين(لا بجد قنوعه)

والمهر بتاعى مليون جنيه وشاليه فى الغردقه .

والفستان بتاعى .. اصل انا عايزه فرحى يتحكى بيه فى لندن ومرسيليا ......(وهى ساكنه فى شبرا)

ولازم يبقى الرصيد فى البنك بتاعك مايقلش عن 2 مليون جنيه ..........(عايزه تتجوز حرامى)

وتكتب لى شارع بأسمى ................................... طب ليه وعشان ايه كل ده , بذمتكوا

دا لو دفع فيها 50 جنيه وهى بالمواصفات اللى فاتت دى تبقى واقفه عليه بخساره

اعزائى الانسات حلال فيكم العنوسه .. ومبروك عليكم اللقب وزيادة العدد .

فى النهايه

ارجوان محدش يزعل منى فانا اتكلم عن طائفة معينه من البنات وليس كل الينات

ولكن منتشره فى هذه الايام بدرجه كبيره وده باين من عنوان الموضوع" للبنات اللى شايفه

نفسها"